Instrucións para desenvolver a actividade 30 cousas sobre min, un exercicio para reflexionar sobre quen somos e que lles queremos transmitir aos demais sobre a nosa persoa.



1 – Abre un arquivo no programa de tratamento de textos que uses de forma cotiá (OpenOffice Write, Office Word…) e elabora unha listaxe cos 30 textos que vas querer inserir na túa presentación. Procura que sexan suxestivos e que non se reduzan a reproducir o que xa de por si di a imaxe, senón que engadan información.
2 – Repasa os teus textos e ordénaos de maneira que consigas unha progresión o máis lóxica posible na túa presentación.
3 – Busca no dicionario as palabras que descoñezas ou aquelas das que dubides a súa ortografía.
4 – Pásalle o corrector ao teu texto e leo en voz alta para ver se xa estás perante a versión definitiva.
5 – Busca as imaxes para a túa presentación.
Imaxes propias: realizadas por ti ou por outras persoas das que posúas o copyright.
Imaxes alleas: neste caso deberás procurar imaxes con licenza CC. Onde?
Déixovos aquí enderezos onde poderedes atopar imaxes de boa calidade libres de dereitos comerciais. Lembrade que na maioría dos casos as imaxes seguen a esixir na súa licenza a atribución, isto é, que se indique a súa autoría e/ou o lugar de procedencia.
Flickrcc – buscador de imaxes con licenza CC no portal de fotografía Flickr.
Wikimedia Commons – proxecto colaborativo asociado á Wikipedia que ofrece imaxes, sons e vídeos.
Banco de imaxes INTEF – banco de imaxes e sons do Ministerio de Educación.
Morguefile – buscador de imaxes con diferentes licenzas.
Everystockphoto – funciona a modo de metabuscador porque fai as procuras en varias páxinas ao mesmo tempo.
6 – Cando xa teñas textos e imaxes, vai á páxina de Prezi, se non tes conta, rexístrate e entra na túa conta.
7 – Unha vez na túa conta, se non sabes utilizar a aplicación, podes mirar este titorial, clica na imaxe para velo.



8 – Agora vas a explorar e escribes pilar ponte.





9 – Clicas no usuario e sáeche a seguinte pantalla.





10 – Pos o rato enriba da presentación e clicas en Editar.


11 – Aparéceche esta pantalla onde podes ir substituíndo as imaxes existentes polas túas e inserir os teus textos tamén.



12 – Unha vez remates clicas na icona de GARDAR. Logo vas a COMPARTIR e no menú despregable escolles a opción COMPARTIR PREZI.



13 – En Engadir xente inclúes o meu enderezo pilarponteclases@gmail.com e clicas en ENGADIR.



14 – Por útimo clicas en SAÍR. 


Xa remataches!

*Non esquezas que nos teus correos debes identificarte correctamente no asunto.
Ex. 1C_Ponte_Patiño_Pilar asunto do que se trate

SEN COMENTARIOS

DEIXAR UNHA RESPOSTA

*